«ҚазМұнайГаз» бен CNOOC компаниясы «Жылыой» жобасын іске асыру шарттары бойынша келісімге келді, деп хабарлайды Ulysmedia.kz.
Астанада тараптар бірлескен қызмет пен қаржыландыру туралы келісімдерге қол қойды.
Әріптестік аясында «Жылыой» жобасын 50/50 паритеттік негізде бірлесіп іске асыру көзделіп отыр. Бұл ретте барлау кезеңін қаржыландыруды CNOOC өз мойнына алады, – деп мәлімдеді ҚМГ баспасөз қызметі.
China National Offshore Oil Corporation (CNOOC – Қытайдың ұлттық теңіз мұнай корпорациясы) – CNPC мен Sinopec-тен кейінгі Қытайдың үшінші ірі ұлттық мұнай компаниясы. Негізгі қызметі – Қытайдың шельфтік аймағында мұнай мен табиғи газ өндіру, өңдеу және өткізу. Мемлекеттік компания саналады, қызметін негізінен Гонконгтағы еншілес құрылымы – CNOOC Limited арқылы жүзеге асырады. Оның акциялары Гонконг пен Нью-Йорк биржаларында саудаланады.
Айта кетейік, Қазақстанда 1997 жылдан бері тағы бір қытайлық мұнай алпауыт – CNPC жұмыс істеп келеді.