Бүгін, 10 маусымда, Уильям Лакоби ресми түрде "Теңізшевройл" ЖШС-нің бас директоры қызметіне кірісті, деп хабарлайды Ulysmedia.kz.
ТОЛЫҒЫРАҚ
Лакоби бұл қызметте 2021 жылдан бері бас директор болған Кевин Лайонды алмастырды. Лайон Chevron штаб-пәтеріндегі жаңа басшылық қызметке тағайындалды. Оның басшылығымен ТШО Теңіз кен орнының болашақ кеңейту жобасын жүзеге асырған.
ЛАКОБИ ТУРАЛЫ НЕ БЕЛГІЛІ
OilgazKZ мәліметінше, Уильям Лакоби (William Lacobie) 31 жылдық мансабында Chevron компаниясының АҚШ, Ангола және Индонезиядағы бизнес-бөлімшелерінде түрлі инженерлік-техникалық және басқарушылық қызметтер атқарған. 2021 жылдан бастап ол Оңтүстік Африкадағы Chevron-ның стратегиялық бизнес-бөлімшесінің басқарушы директоры болды. Сонымен қатар, ол Ангола мен Конго Республикасындағы корпорация активтеріне жауапты болған. Бұл елдердегі міндеттерінің бірі Анголадағы сұйытылған табиғи газ өндіруге бағытталған ауқымды жобаны басқару еді.