Парламент кулуарында атом энергиясы агенттігінің басшысы Алмасадам Сәтқалиев Қазақстанда АЭС салуға қатысты журналистер сұрағына жауап берді, деп хабарлайды Ulysmedia.kz.
ТОЛЫҒЫРАҚ
Журналистер Сәтқалиевтен Қытай Қазақстанда АЭС-ті Ресейден бұрын салып беруі мүмкін деген ақпаратқа қатысты пікірін сұрады.
- Мен бұл мәселеге пікір білдіргім келмейді. Әрбір атом электр станциясының жобасы – бірегей. Барлық қатысушы елдердің бұл салада айтарлықтай тәжірибесі бар. Біз Ресей Федерациясын халықаралық консорциумның көшбасшысы ретінде таңдадық. Бұл шешім құрылыс мерзіміне байланысты ұсыныстарға да қатысты. Қытайлық әріптестермен келіссөздер өткеннен кейін ғана құрылыс мерзімі туралы пікір айтуға болады, – деді ол.
КӨЛІССӨЗДЕР
- Қазіргі уақытта біз конкурстық процеске қатысып жатқан барлық тараппен келіссөздер жүргізіп жатырмыз. Олардың барлығы алдын ала қызығушылық танытты. Бұл келіссөздер негізінде жүзеге асады, - деді Сәтқалиев.
ҚОРЫТЫНДЫ ШЕШІМ
- Қорытынды шешім үкіметаралық келісімге қол қойылған соң қабылданады. Біз қазірдің өзінде үкіметаралық келісімді дайындауға кірістік. Ағымдағы жылдың соңына дейін оны қол қоюды жоспарлап отырмыз, - деді ол.
ҚАРЖЫЛАНДЫРУ ШАРТТАРЫ
- Қаржыландыру шарттары мемлекеттердің қаржы министрліктері арасындағы келіссөздер нәтижесінде айқындалады. Барлық шарт осы келіссөздер барысында белгіленеді, - деп түйіндеді Сәтқалиев.
РЕСЕЙ
Айта кетейік, бұған дейін бүгін Ресейдің “Росатом” компаниясы Қазақстандағы алғашқы АЭС-тің құрылысын жүргізетіні де белгілі болды.
Ал екінші АЭС-ті қытайлық компания салады.