Әскери сарапшы Қазақстанның ұжымдық қауіпсіздік туралы шарт ұйым аясындағы міндеттемелері туралы айтты, деп хабарлайды Ulysmedia.kz.
ТОЛЫҒЫРАҚ
Подполковник Даулет Жұмабеков ҰҚШҰ шеңберіндегі келісімдерге назар аударды. Оның сөзінше, егер НАТО-ға мүше мемлекеттердің бірі немесе өзге елдер Ресейге шабуыл жасаса, Мәскеу одақтастарынан көмек сұрауға құқылы.
– Егер, мысалы, НАТО елдері немесе тағы басқа мемлекеттер Ресейге тікелей шабуыл жасайтын болса, онда ол біздің ҰҚШҰ-ға кіретін мемлекеттерден көмек сұрай алады. Бұл жағдайда келісімшарт бойынша біз, әрине, көмектесуге тиіспіз. Дегенмен, қазіргі таңда халықаралық келісімдер ешбір сақталмай жатқанын да көріп отырмыз, – деп өз пікірін Airan-ға берген сұқбатында бөлісті Жұмабеков.