Елде автокөлік индустриясында кадр тапшылығы қатты байқалуда, деп хабарлайды Ulysmedia.kz.
Автомобиль нарығын мониторингтеу және талдау агенттігінің бас директоры Артур Мискарянның айтуынша, өңірлік автоорталықтардағы кадр жетіспеушілігі Астана мен Алматыдан көшіп келген мамандар есебінен өтеліп жатыр.
– Бұл жерде өңірдегі кәсіпорында процестерді іске қосу, аудит жүргізу немесе реттеу үшін қызметкерді іссапарға жіберу емес, ірі қаладан нақты көшу туралы сөз болып отыр. Ал ол қалада, өз кезегінде, тәжірибесі бар штаттық бірліктің кетуін бір жолмен өтеуге тура келеді. Нарықта білікті сатушылар, сату бөлімінің басшылары, техникалық орталықтардың қызметкерлері мен жетекшілері, сондай-ақ дилерлік орталықтардың директорлары қатты жетіспейді, – деп қынжылады ол.
БҰҒАН ДЕЙІН
Қазақстандағы медициналық мекемелерде де кадр тапшылығы туралы хабарланған – елдегі ауруханалар мен емханаларда мыңдаған бос жұмыс орны бар.
Ал ресейлік автоконцерндер шетел нарықтарын сақтап қалу үшін бар күшін салып жатыр.
Ресейде отандық көліктердің шетелге сатылымын жеңілдетілген несие бағдарламалары арқылы қолдау ұсынылды. Алайда ресейлік сарапшылардың айтуынша, Қазақстанда жергілікті “арзан несие” бағдарламасымен бәсекелесу оңай болмайды.
ҚЫТАЙ МЫСАЛЫ
Мысал ретінде Қытайдың тәжірибесі келтірілді: онда автокөліктер уақытша жеңілдетілген пайыздық мөлшерлемелермен сатылады. Бұл жүйеде сатып алушылар арзан несие рәсімдей алады, ал мөлшерлеме айырмасын автокөлік өндірушілер өтейді. Өз кезегінде өндірушілер ҚХР үкіметінен субсидия алады.