Қазақстан Қырғызстанға жазда алған электр энергиясынан көбірек көлемді қайта жіберіп жатыр, деп хабарлайды Ulysmedia.kz.
ТОЛЫҒЫРАҚ
Қырғызстанның энергетика министрі Таалайбек Ибраевтың түсіндіруінше, жаз мезгілінде Қырғызстан көрші елдерге электр қуатын береді, ал қыс мезгілінде оны коэффициент 1,3 есебімен кері алады. Яғни берілген әр киловатт-сағат үшін Астана үштен біріне артық қайтарады деген сөз. Биыл Қырғызстан қарызын өтеп, Қазақстанға 161,1 миллион киловатт-сағат жіберген. Енді Бішкек шамамен 200 миллион киловатт-сағат көлемінде электр энергиясын қайта алады. Министрдің пікірінше, бұл қысқы маусымда елдің энергожүйесін тұрақтандыруға көмектеседі.
— Мұндай схема Қырғызстан мен Қазақстан арасында әрдайым болған. Электр энергиясын сақтау мүмкін емес, ал жазда судың босқа кетуіне жол бермеу үшін артығын көршілерге береміз. Қыста бізге электр көбірек қажет болғанда, олар оны 1,3 коэффициентімен қайтарып береді, — деп министрдің сөзін 24.kg келтіреді.