Қытайлық сатушылар кепілдегі көліктерді қазақстандықтар үшін сатып алу қауіпсіз деп сендіріп отыр, деп хабарлайды Ulysmedia.kz.
ТОЛЫҒЫРАҚ
Автоблогер Санжар Асқаров Қазақстан мен Қытай шекарасында кепілге қойылған көліктердің тұтас «армиясы» тұрғанын айтты. Оның сөзінше, бұл – Қытай банктерінде несие мен лизингке рәсімделген автокөліктер жиналған үлкен қойма. Қазір аталған көліктерді қазақстандықтарға белсенді түрде сатуға тырысып жатыр.
– Олар көліктерді несиеге, лизингке рәсімдейді. Кейін бұл көліктерді «Қорғасқа» айдап әкеліп, несиені төлемей, Қытай банктерінде ауыртпалығы бар көліктерді шекарадан өткізіп жібереді. Оларды арзанға сатады, себебі тек ең төменгі бастапқы жарнаны – 5 пайызға дейін ғана төлеген болуы мүмкін. Осылайша көлікті шығарып алып, 30 пайызға арзанға сатады. 30 пайыздық жеңілдік кезінде олардың айырмасы (маржасы) өте жоғары болады. Қазір қытайлықтар осы көліктерді сатуға көмектесуді сұрап отыр, онда үлкен қойма бар. Олар «ешқандай мәселе жоқ, бәрі келісілген» деп сендіреді, – дейді ол.