Астанада тропикалық бағы бар сауда-ойын-сауық орталығы ашылады, деп хабарлайды Ulysmedia.
Кәсіпкер Нұрлан Смағұлов Астанада жаңа девелоперлік жобаны іске қоспақ. 11.12 гектар жер учаскесінде биыл сәуір айында ауданы 130 000 шаршы метр MEGA Garden сауда-ойын-сауық орталығының құрылысы басталады. Кешеннің ашылуы 2027 жылдың желтоқсан айына жоспарланған.
Сауда орталығын жобалауды Mega Alma-Ata-ның екінші кезегін, MEGA Silk Way және Almaty Museum of Arts авторы – Chapman Taylor британдық сәулет бюросына жүзеге асырмақ.
Нұрлан Смағұлов пен Крис Лэнксбери, Chapman Taylor директоры (Ұлыбритания) © Mega Management баспасөз қызметі
Жобаның басты ерекшелігі ғимараттың қақ ортасында орналасатын және кешеннің сәулеттік өзегін құрайтын ауданы 10 000 шаршы метрге дейінгі жабық ботаникалық бақ болады.
— Қазақстан үшін жабық ботаникалық бақтың форматы – бұл бос уақыт пен ретейл интеграциясының жаңа деңгейі. Астананың климатында сауда орталығының ішіндегі жыл бойғы жасыл тропикалық кеңістік сәндік безендіру емес, эмоционалды әсер алу факторына айналады. Біз жобада қонақтардың кеңістікте болу уақытын, келу жиілігін және аудиторияны еліктіру тереңдігін арттыратын модельді қарастырамыз. Жалға алушылар үшін бұл болжамды трафикті және бизнестің ұзақ мерзімді тұрақтылығын білдіреді. 20 жылдық жұмыс барысында біз ағынды тартуға және оны жылдар бойы ұстап тұруға мүмкіндік беретін басқару жүйесін құрдық. MEGA Garden бұл стратегияны жалғастырады, — дейді Нұрлан Смағұлов.
Ботаникалық бақ сауда орталығының ішіндегі тропикалық кеңістік ретінде ойластырылған және барлық қонақтарға қолжетімді болады. Келушілер пальмалар мен экзотикалық өсімдіктер арасында, су арналары мен жасыл қабырғалар бойымен бұралаң жолдармен серуендей алады. Бақшаның ортасында көп деңгейлі өсімдіктермен қоршалған каскадты сарқырама, ал оның жанында жасыл желектер мен судың панорамалық көріністерін ашатын келушілерді бақша кеңістігі арқылы көтеретін шыны лифт орналасады.
Тұжырымдама Changi әуежайы және Marina Bay кешеніндегі ботаникалық бақ сияқты сингапурлық жобалардан шабыт алады. Астананың күрт континенттік климаты жағдайында бұл ботаникалық бақ жазғы аптап ыстықтан және қысқы аяздан қорғалған, демалуға және кездесулерге арналған жыл бойғы indoor-кеңістікке айналады.
MEGA Garden-дегі ботаникалық бақтың жобасы © Mega Management баспасөз қызметі
Жоба елорданың оңтүстік-шығыс бөлігінде – оң және сол жағалауды жалғайтын және шамадан тыс жүктелген Мәңгілік Ел, Қабанбай батыр және Тұран даңғылдары үшін балама көлік дәлізін қалыптастыратын қаладағы алғашқы сегіз жолақты салынып жатқан Әл-Фараби даңғылының бойында жүзеге асырылуда.
MEGA Garden-нің іске қосылуы елорданың қарқынды өсу кезеңімен сәйкес келеді. Соңғы он жылда Астана халқы екі есеге жуық өсті, ал 2030 жылға қарай 2,3–2,5 млн адамға жетеді деп болжануда. 2025 жылы Астанада Алматы мен Шымкентті бірге алып есептегеннен де көбірек тұрғын үй пайдалануға берілді. Бұл ретте жан басына шаққандағы сапалы сауда алаңдарымен қамтамасыз етілуі Алматыға және әлемнің бірқатар ірі қалаларына қарағанда төмен болып қалуда. MEGA Silk Way және басқа да сауда орталықтары жоғары жүктемемен жұмыс істейді және жаңа кешен өсіп келе жатқан сұранысты ішінара қанағаттандыруы керек.
MEGA Garden-дегі ботаникалық бақтың жобасы © Mega Management баспасөз қызметі
Девелопердің айтуынша, бастапқыда әрбір MEGA жобасы нарық тарапынан күмәнді болжамдарға ұшырайды, бірақ ақырында өз сегментінде көшбасшыға айналуда. MEGA Alma-Ata, MEGA Park және MEGA Silk Way бүгінде айналасынан бүтіндей тұрғын аудандары өсіп, инфрақұрылымы дамыған негізгі қалалық сауда орталықтары болып табылады. 20 жыл ішінде бұл нысандар қонақтардың келуі мен басқару сапасы көрсеткіштері бойынша Қазақстандағы ең тиімді сауда орталықтарының желісін (2025 жылы 47 млн келуші) қалыптастырды және жаңа елордалық сауда орталығы осы жүйенің бір бөлігі болады.
MEGA Garden туристердің қызығушылығын оятатын және қазақстандықтар бос уақытын өткізетін Астананың жаңа көрікті жері болады. Жобаны жүзеге асыруға Ұлыбритания, Канада және Қытайдан халықаралық сәулет және ландшафт бюролары тартылады. Сауда орталығын алдыңғы MEGA Management жобаларымен бірдей мерзімде — 18 айда салу жоспарлануда. Жоба 3300-ге жуық жұмыс орнын құруға мүмкіндік береді, ал инвестиция көлемі 100 млрд теңгені құрайды.