Juzmedia журналисі мен редакторына қатысты соталды тергеу жүріп жатыр. Бұл ақпаратты Ulysmedia.kz-ке Ұлттық қауіпсіздік комитеті растады.
Мән-жай
Редакцияға Juzmedia-ның екі қызметкері бопсалау күдігімен ұсталғаны белгілі болды. Алдын ала мәлімет бойынша, олардың бірі қылмыс үстінде қолға түскен.
Ulysmedia.kz журналист пен редактордың шынымен ұсталып-ұсталмағанын және тергеудің қай бап бойынша жүргізіліп жатқанын нақтылау үшін ҰҚК-ге сауал жолдаған.
- Соталды тергеу жүргізіліп жатқанын хабарлаймыз. Қылмыстық-процестік кодекстің 201-бабы 1-бөлігіне сәйкес өзге ақпарат жария етілмейді, - делінген комитет жауабында.
Бұл БАҚ туралы не белгілі?
Juzmedia.kz - қазақстандық ақпараттық сайт.
Сайт жұмысын Тоғжан Жалғасбек және басқа да қазақстандық медиа өкілдері жүргізген.
2026 жылғы қыркүйекте сайтта жаңа материалдар жарияланбаған. Қолжетімді кейінгі материал 15 тамызда шыққан.