Қазақстан президенті Қасым-Жомарт Тоқаев қазақстандық ұстаздарды кәсіби мерекесімен құттықтады, деп хабарлайды ulysmedia.kz.
«Ұстаздарды кәсіби мерекесімен құттықтаймын! Еліміздегі білім сапасы, ұлттың бәсекелік қабілеті жоғары болуы сіздердің біліктіліктеріңіз бен қажырлы еңбектеріңізге байланысты. Мемлекеттің мұғалімдерді жан-жақты қолдау саясаты жалғаса береді. Мәртебелі қызметтеріңіз табысты болсын!», - деп жазды мемлекет басшысы Twitter парақшасына.
Биыл мұғалімдер күні қазан айының үшінші күніне сәйкес келді, дәстүр бойынша мереке қазан айының бірінші жексенбісінде атап өтіледі.