Сенат төрағасы Мәулен Әшімбаев батыс елдерінің Ресейге санкциясына қатысты пікір білдірді, деп хабарлайды Ulysmedia.kz.
Ол Қазақстанның батыс мемлекеттері Ресейге салған санцияларды бұзбайтынын атап өтті.
“Еліміздің территориясы, компаниялары санкцияны бұзу үшін пайдалануға ешқандай мүмкіндік берілмейді. Бұл - Қазақстанның нақты ұстанымы. Бұл ұстаным аясында ары қарай жұмыс істейміз. Ең бастысы, біз сыртқы саясатымызда ұлттық мүддемізге бағытталған қадамдар жасаймыз», - деді М. Әшімбаев тілшілердің сауалына орай.
Қазақстанның позициясын бұған дейін мемлекет басшысы да, сыртқы істер министрлігі де бірнеше рет жариялаған болатын.