Астанада белгілі кәсіпер Қайрат Боранбаев ісі бойынша апелляциялық сот үкімі шықты, деп хабарлайды Ulysmedia.kz.
Сот кәсіпкердің жазасын жеңілдетті. Ол 6 жылға бас бостандығынан айырылды.
Еске салайық, наурыз айында Боранбаев 8 жылға бас бостандығынан айырылды.
Боранбаевтың сенімді өкілі Роман Наханов, сондай-ақ "QazaqGaz "ҰК" АҚ Басқарма төрағасының бұрынғы орынбасары Тайыр Жанұзақ та 8 жылға сотталды.
22 тамызда апелляциялық сатыдағы сотта істі қарау барысында сотталушылар кінәсін мойындап, процестік келісім жасасу туралы өтінішхат берген болатын.
Бұдан бұрын Астана прокуратурасы неліктен Қайрат Боранбаевтың жаза өтеу мерзімін қысқарту ұсынылғанын түсіндірген.