Энергетика тақырыбындағы материалдарды Ulysmedia.kz оқырмандары "кеміріп" оқиды. Бұған таңғалудың қажеті жоқ, өйткені өміріміздегі көп нәрсе дәл осы саланың жай-күйіне келіп тіреледі. Біз үнемі сарапшылар мен тұтынушылардың пікірін жариялап отырамыз, шенеуніктер өткізетін баспасөз мәслихаттарын жібермеуге тырысамыз. Дегенмен, жауаптардан гөрі сұрақ көп - шенеуніктер жеке әңгімелерде өздері түсіндіргендей, әр сөзін қатаң қадағалайды, өйткені халықтың сынына ілігіп кетуден қорқады. Қазақстанда ең көп талқыланатын тақырыптардың бірі - атом электр станциясын салу жобасы әлі күнге дейін құпия әрі түсініксіз болып отырғаны сондықтан болса керек.
Сарапшылар үкіметтің азаматтармен диалогқа барып, атом станциясының құрылысы туралы халық пікірімен санасуын талап етіп келеді. Ulysmedia.kz редакциясы энергетика министрінің бұл туралы не ойлайтынын білуді жөн көрді. Жолдаған сауалдарымызға Алмасадам Сәтқалиев жазбаша жауап берді.