Бұл туралы Сенат кулуарында Әділет вице-министрі Алма Мұқанова айтты, деп хабарлайды Ulysmedia.kz.
«Бюджетке түсетін өтінімдерге байланысты оны қаржыландыру азайтылған болатын. Әділет министрлігі өздігінен ешқандай заңнамалық акттерді әзірлеп жатқан да жоқ. Қазіргі таңда Әділет министрлігінің қарауына ешқандай құқықтық-акт жобалары түскен жоқ», - деді Алма Мұқанова.
«Қазіргі таңда қамтылудың толық тоқтату жөнінде жобалар түскен жоқ деп қана айта аламын» деп түйді сөзін ол.
Еске сала кетсек, бұған дейін қаржы вице-министрі Дәурен Темірбеков бұрынғы президент Нұрсұлтан Назарбаевтың кеңсесін ұстауға 2023 жылы бюджеттен 1,5 млрд теңгеге дейін қаржы бөлінгенін айтқан еді.