Жол – мемлекеттің дамуын көрсететін маңызды көрсеткіштердің бірі. Сапалы жол – қауіпсіз қозғалыс қана емес, экономиканың дамуы, туризмнің өркендеуі, инвестицияның келуі және халықтың өмір сүру сапасының артуы. Қазақстанда соңғы жылдары жол инфрақұрылымын жаңғырту бағытында ауқымды жұмыстар жүргізіліп жатыр. Ұзақ жылдар бойы аяқталмай келген жобалар қайта қолға алынып, жаңа автомагистральдар салынып, туристік аймақтарға апаратын жолдар жаңартылуда.
Бұл жолы Ulysmedia.kz бас редакторы Самал Ибраева еліміздің ең көрікті өңірлерінің бірі – Шығыс Қазақстан облысына арнайы барып, Қатонқарағай мен әйгілі Рахман қайнарына апаратын жолдың құрылысын өз көзімен көрді.
Тоғыз жылға созылған күрделі жобаның аяқталуына не себеп болды? Қазақстанның таулы аймағында салынған бірегей көпірдің ерекшелігі қандай? Жаңа жол өңірдің туристік және экономикалық әлеуетін қалай өзгертеді? Осы және басқа да маңызды сұрақтарға «ҚазАвтоЖол» ұлттық компаниясының басқарма төрағасы Дархан Иманашев жауап берді.
Бұл сұхбатта тағы не айтылды?
Сапалы жол – елдің экономикалық мүмкіндігін кеңейтетін стратегиялық инфрақұрылым. Ал Қазақстанның табиғи байлығы мен туристік әлеуетін толық пайдалану үшін заманауи жолдардың маңызы ерекше.
Ulysmedia.kz бұл жолы мемлекеттік бағдарламалар мен инфрақұрылымдық жобалардың нақты жүзеге асырылуын құрылыс алаңында көрсетіп, жауапты басшыға қоғамды қызықтыратын сұрақтарды тікелей қойды.
Шығарылымның толық нұсқасын Ulysmedia YouTube-арнасынан көріңіз.