Көкшетау тұрғыны бұрынғы күйеуінен құтылу үшін Астанаға көшуге мәжбүр болғанын айтты. Әйелдің сөзінше, ер адам олар ажырасқалы бері оны қудалап келеді, деп хабарлайды Ulysmedia.kz.
Күйеуінен құтылу үшін басқа қалаға көшкен
Бұл жайында “НеМолчи” қоры хабарлады. Қор мәліметінше, ер адам әйелдің анасына аудио хабарламада жіберген.
“Айтпады демеңдер, мен оны тірідей бөлшектеп өлтіремін”, дейді ер адам.
Зорлық әрекеттері: көлік доңғалағын тескен, камераны сындырған
Постта келтірілген деректерге сүйенсек, ер адам әйелдің ата-анасының көлігінің дөңгелегін тескен, пәтерінің есігін көбікпен бітеп тастаған, бейнебақылау камераларын сындырған, сондай-ақ басқа да қорқыту әрекеттерін жасаған.
Полиция не дейді?
Ақмола облысының Полиция департаменті жағдайға қатысты түсініктеме берді:
- Астаналық әйел мен оның отбасы мүшелеріне қауіп төндіру фактісі бойынша ҚР ҚК 115-бабы 1-бөлігі (Қорқыту) бойынша қылмыстық іс қозғалды. Қазір құқық бұзушыны ұстау және ішкі істер органдарына жеткізу шаралары жүргізілуде. Сонымен қатар, бұрын Көкшетау тұрғыны тарапынан келіп түскен барлық шағымдар тіркеліп, тиісті тексерулер мен шаралар қабылданатын болады, делінген хабарламада.