Қазақстанның он облысы мен Алматы қаласында отставкадағы мәслихат депутаттарының орнына сайлау басталды, деп хабарлайды Ulysmedia.kz.
Сайлау Алматы, Маңғыстау, Павлодар, Солтүстік Қазақстан, Абай, Ақтөбе, Алматы, Шығыс Қазақстан, Жамбыл, Жетісу, Қарағанды облыстарында өтеді.
Екі облыстық, жеті қалалық, 12 аудандық мәслихат депутаттарын сайлау қажет.
ОСК бір орынға төрт адам таласып тұрғанын хабарлады. Бұл ретте ең үлкен бәсеке Алматы, Тараз, Семей және Шығыс Қазақстан облыстарында болғалы тұр.
Естеріңізге сала кетейік, 19 наурызда Қазақстан Республикасында Мәжіліс пен мәслихаттардың кезектен тыс сайлауы өтті. Ресми мәлімет бойынша, сайлауға қатысу көрсеткіші 54,19% құрады, бұл – тәуелсіз Қазақстанның бүкіл тарихындағы ең төменгі көрсеткіш.
Айта кетерлігі, өткен Парламент Мәжілісі мен мәслихаттарға сайлау науқанында түрлі заңбұзушылықтарды көрсететін ақпараттық хабарламалар мен бейнероликтер көп болды. Ортсайлауком деректері мен аумақтық сайлау комиссияларының (АСК) хаттамаларының сәйкес келмеуі, дауыс берудің шамадан тыс көп болуы – осы және басқа да мәселелерді БАҚ, байқаушылар мен қоғам белсенділері көтерді. Алайда ОСК ешқандай келіспеушілік байқатқан жоқ.