Бұл туралы Ғылым және жоғары білім министрі Саясат Нұрбек Үкімет отырысында айтты, деп хабарлайды Ulysmedia.kz.
Кімге қанша грант берілді
Ресми мәлімет бойынша, конкурс нәтижесі бойынша әлеуметтік осал топтардан 412 жетім бала, мүгедектігі бар 382 адам, көпбалалы отбасынан шыққан 3 576 бала, толық емес отбасыдан шыққан 933 бала, мүгедек балаларды тәрбиелеп отырған отбасыдан 437 балаға грант берілген.
Қандастар
Биыл алғаш рет қандастарды қабылдау процедурасын өзгерту нәтижесінде 1 604 қандасқа грант берілген 2023 жылы 804 қандасқа грант бөлінген. Яғни, бұл бағытта грант екі есе көп бөлініп отыр.
Бұған дейін қандастар ҰБТ-ң 5 пәнін тапсырса, 2024 жылдан бастап тек 3 пәнді (оқу сауаттылығы, 2 бейінді пән) тапсырады. Оларға шекті бал жинау талабы қойылмайды.