Астанада ауа райына байланысты қалаға қатынайтын екі автобус уақытша жұмысын тоқтатты, деп хабарлайды Ulysmedia.kz.
Көлік холдингі №317 және 329 автобустарының қозғалысы тоқтатылғанын хабарлады.
«Ауа райы жағдайының нашарлауына байланысты қала маңындағы №317, 329 маршруттарының қызметі уақытша тоқтатылды», деп хабарлады CTS.
Еске сала кетсек, бұған дейін Қазақстанның басым бөлігінде көктайғақ болып, бұрқасын күтіледі, кей аймақтарда тұман түседі деп дауылды ескерту жарияланған болатын.