Тым майлы тағамдар уайымнан зақым алған тамырлардың қалпына келуіне жол бермейді. Дегенмен, ғалымдар дұрыс тағамдар мен сусындар бұл мәселені шешуге көмектесетінін айтады, деп хабарлайды Ulysmedia.kz порталы doctorpiter ақпарат көзіне сілтеме жасап.
Диетологтар тағамды "жаман" және "жақсы" деп бөлу сіздің дұрыс тамақтануыңызды бұзатынын айтады. Жасырары жоқ, мәзірде тым майлы және өңделген тағам сіздің денсаулығыңызға, әсіресе жүрек-қан тамырлары жүйесіне зиянын тигізуі мүмкін.
Алайда ғалымдар зиянды тағамдарды дұрыс сусындармен ішсеңіз, онда тамақ жүрекке пайдалы болатынын атап өтеді. Сонымен бірге сіз өзіңізді сергек әрі жақсы көңіл-күйде сезінесіз.
Осыған байланысты зерттеу жұмыстарын Food & Function басылымы жариялады. Оған дені сау 23 адам қатысқан. Экспериментке қатысушылардың орташа жасы 22-де болған.
Олардың әрқайсысы дәрігерлер ұсынғаннан гөрі май мен қантты көбірек жеген. Ал барлығында талшық жетіспеген.
Таңғы асқа зерттеуге қатысушылар 10 грам тұздалған май, бір жарым тілім чеддар ірімшігі және 250 мл толық сүт қосылған екі круассан алған.
Осыдан кейін қатысушылардың жартысы флаванолы төмен какао сусынын (шамамен 5,6 мг), ал қалғандары флаванолы жоғары какао (695 мг) ішкен.
Содан кейін еріктілерге қысқа демалу үшін 8 минут уақыт берілген. Артынша оларға ауызша арифметика бойынша 8 минуттық тест тапсыру керек болған. Қате жауаптар болған жағдайда тапсырманы орындау уақыты ұзартылған.
Тапсырмаларды орындау кезінде жүрек соғысы жиілігі мен қысымды айтарлықтай артқан. Әсері күнделікті стрестің әсерімен салыстырылған.
Ғалымдар флаванолы төмен сусынды ішкендердің қан тамырлары қызметінің 90 минутқа дейін төмендегенін анықтаған. Бірақ флаванолға бай сусын ішкенердің бұл көрсеткіші тек жарты сағатты құраған. Қатты стресс біздің тамырларымызға зиян тигізуі мүмкін, ал майлы тағамдар олардың қалпына келуін баяулатады. Бірақ флаванолдары бар өнімдер, ғалымдар анықтағандай, бұл әсерді жояды.
Эндокринолог Зухра Павлова егер осы қатардағы сусына жататын какао сізге ұнамаса, оны көк шаймен алмастыруға болатынын айтады. Бірақ сусын шынымен жұмыс істеуі үшін оны тамақтанғаннан кейін бір сағаттан кейін ішу керек. Сіз сондай-ақ майлы тамақтан кейін кішкене уыс жидектерді жеуге болады: оларда да флаванол көп.