Сенатор Андрей Лукин Біріккен ұлттар ұйымы Қазақстанға бітімгерлерді жібергені үшін қанша ақша төлейтінін айтты, деп хабарлайды Ulysmedia.kz.
Оның айтуынша, Қазақстан мен БҰҰ арасындағы тиісті өзара түсіністік туралы меморандумға 2024 жылдың 14 ақпанында қол қойылған. Құжат Голан биіктігіне жіберілген қазақстандық контингентті қаржыландыру, материалдық-техникалық қамтамасыз ету және құқықтық жағдайын реттейді.
ҚАРАЖАТ
Осылайша, бөлінген қаражаттың жылына 2,4 миллион доллары жеке құрамға төленеді (әрбір әскери қызметкерге айына 1448 доллардан). Тағы 2,6 миллион доллар жабдықты, қаруды және мүлікті пайдалануға жұмсалады.
ҚАЗАҚСТАННЫҢ САРБАЗДАРЫНА ҚАНША ТӨЛЕНЕДІ
Қазақстан заңдарымен бекітілген заңға сәйкес, сол жаққа аттанған сарбаз мүгедек болып қалса, әрбір топ мүгедектігіне 6 АЕК-тен 30 АЕК-ке дейін жәрдемақы төленеді. Қаза тапқан жағдайда Қазақстан билігі тарапынан 60 АЕК, БҰҰ атынан 77 мың долларға дейін өтемақы бекітілген.
Голан биіктігінде жүрген әрбір әскери қызметшіге үш еселенген айлық төленеді. БҰҰ-дан бөлек айына 40 долларлық қалта шығыны беріледі. Әрбір әскери қызметшіге демалысқа шыққаны үшін 340 доллар жәрдемақы төленеді.