Ғалымдар балалардың туған айы мен олардың интеллектуалдық қабілеттері арасындағы ықтимал байланысты зерттеп, қызықты нәтижелерге қол жеткізді. Baku басылымының мәліметінше, АҚШ-та жүргізілген зерттеу нәтижесінде белгілі бір айларда туған балалардың интеллектуалдық әлеуеті жоғары болатыны анықталған, деп хабарлайды Ulysmedia.kz.
ҚЫРКҮЙЕКТЕ ТУҒАН БАЛАЛАР – АКАДЕМИКТЕР
Зерттеулер қыркүйекте дүниеге келген балалардың академиялық жетістіктері жоғары болатынын көрсетті. АҚШ-та бір миллион оқушының үлгерімін талдау нәтижесінде қыркүйек айында туғандардың мектепте де, университетте де үздік нәтижелер көрсететіні анықталған.
ТАМЫЗДА ТУҒАН БАЛАЛАР – СПОРТШЫЛАР
Алайда, спорт саласында кері үрдіс байқалады – табысты спортшылардың көпшілігі тамыз айында дүниеге келген. Әсіресе, футбол мен баскетбол сияқты спорт түрлерінде жұлдызды ойыншылардың арасында жаздың соңғы айында туғандар көп кездеседі.
ҚЫРКҮЙЕКТЕН ЖЕЛТОҚСАНҒА ДЕЙІН ТУҒАН БАЛАЛАР – ВУНДЕРКИНДТЕР
АҚШ-тың Ұлттық экономикалық зерттеулер бюросының мәліметтеріне сәйкес, қыркүйек пен желтоқсан аралығында дүниеге келген балалар мектепке жазда туғандарға қарағанда кешірек барады. Бұл олардың интеллектуалдық дамуына оң әсерін тигізеді.
Қызықты зерттеу нәтижелері бойынша, күз бен қыс айларында туғандар көктем мен жазда туғандарға қарағанда орташа есеппен ұзақ өмір сүреді.
Осылайша, туған ай тек жұлдыз жорамалдары мен туған күндерге ғана емес, интеллект пен өмір сүру ұзақтығына да әсер ететіні анықталды.