Әсет Ерғалиев жаңа қызметке тағайындалды, деп хабарлайды Ulysmedia.kz.
ЖАРЛЫҚ
- Мемлекет басшысының Жарлығымен Әсет Арманұлы Ерғалиев Қазақстан Республикасы Стратегиялық жоспарлау және реформалар агенттігінің төрағасы болып тағайындалды, ол бұрынғы атқарған лауазымынан босатылды, делінген хабарламада.
ЕРҒАЛИЕВ КІМНІҢ ОРНЫНА КЕЛДІ
Президенттің бұл қызметті атқарған жарлығымен Жандос Шаймарданов лауазымынан босатылды.
БҰҒАН ДЕЙІН
Айта кетейік, Ерғалиев ұлттық экономика министрі болған тұсында отбасының ай сайынғы азық-түлік шығыны 50-60 мың теңге екенін айтып, қызу талқыға түскен болатын. Ерғалиев 2022 жылғы 6 қаңтардан бастап 2023 жылға дейін Қазақстан Республикасының Стратегиялық жоспарлау және реформалар агенттігінің төрағасы болған.
ЕРҒАЛИЕВ ТУРАЛЫ
1986 жылы 18 маусымда Қостанай қаласында дүниеге келген. Үйленген, екі баласы бар.
Негізгі мамандығы - экономист. Қазақ, орыс, ағылшын және неміс тілдерін меңгерген. 2008 жылы Қазақстандық менеджмент, экономика және болжамдау институтын (ҚМЭБИ) мемлекеттік саясат экономикасы саласында бакалавр дәрежесімен, сондай-ақ халықаралық алмасу бағдарламасы аясында Швециядағы Халықаралық Йонкопинг бизнес мектебін халықаралық экономика саласында ғылым бакалавры дәрежесімен бітірген. 2009 жылы Ұлыбританиядағы Йорк университетін экономикадағы ғылым магистрі дәрежесімен тәмамдаған. 2010 жылы Ұлыбританиядағы Ноттингем университетін аяқтаған.
2018 жылғы қыркүйектен 2019 жылғы наурызға дейін Ұлттық экономика вице-министрі, 2019 жылғы наурыз-тамыз аралығында премьер-министрі кеңсесі басшысының орынбасары, 2019 жылғы тамыздан 2021 жылғы қаңтарға дейін Ұлттық экономика бірінші вице-министрі, 2021 жылғы қаңтардан 2022 қаңтарға дейін Ұлттық экономика министрі қызметін атқарған.