Солтүстік Қазақстан облысында ата-аналар баласын қазақ сыныбына бере алмай сенделіп жүр, деп хабарлайды Ulysmedia.kz.
“ҚАЗАҚ ТІЛІНДЕ ОҚЫҒАНЫН ҚАЛАЙМЫН”
КТК мәліметінше себебі: өңірде мектеп тапшы. Мәселен, Белое ауылының оқушылары ана тілін үйрену үшін қалаға қатынауға мәжбүр.
“Бізде қазақ сыныбы жоқ. Балам қалада балабақшаға барған, үш тілді біледі. Енді осы жерде оқуын бастапқыдан қазақ тілінде оқығанын қалаймын”- дейді ата-аналардың бірі.
Өйткені Белое орта мектебінде қазақ сыныбын ашуға мүмкіндік жоқ. Себебі, мұнда сабақ оқитын сегіз-ақ кабинет бар. Оның үстіне білім ордасындағы тарих кабинетінің төбесі майысып, опырылып түсуге шақ тұр. Сондықтан 116 оқушы мен отыз мұғалім көрші ауылдағы мектепке ауыстырылды. Ал ата-аналар 60 жыл бұрын қамыстан салынған ғимаратты сүріп, орнына жаңасын салып беруді талап етіп отыр.
БҰҒАН ДЕЙІН
СҚО-дағы ауылдар атауын қазақшалауды талап еткен Дайрабаев қызметімен қош айтысқан еді.
Мәжілістің отырысында Дайрабаев Жигули Дайрабаев Солтүстік Қазақстанға барып, басқа мемлекетте жүргендей сезінгенін айтқан еді. Мәдениет және білім беру мәселелері бойынша заңдарға өзгерістер мен толықтырулар енгізу туралы заң жобасын талқылау барысында депутат Жигули Дайрабаев тіл мәселесін көтерді.
Ал режиссер Елзат Ескендір әлеуметтік желіге қазақ тілді киногерлерге қатысты жазба жариялап көпті толғандырып қойды.
Оның айтуынша, қазақ тілді киногерлердің жобаларына назар аударылмайды, олардың сценарийлері қаралмайды, халықаралық фестивальдерге қатысуларына қолдау көрсетілмейді. Керісінше, шетелдік іс-шараларға негізінен орыс тілді мамандар жіберіліп, олардың шығындары толықтай мемлекет есебінен өтеледі.