Қазақстан Ұлттық банкінің төрағасы Тимур Сүлейменов базалық мөлшерлемеге қатысты өткен брифингте ел экономикасына төніп тұрған қауіп туралы айтты, деп хабарлайды Ulysmedia.kz.
ШОБ үшін қиындықтар
Журналистер Сүлейменовке соңғы айларда базалық мөлшерлеме жоғары деңгейде сақталып отырған жағдайда шағын бизнес қалай өмір сүре алатынын сұрады. Өйткені кәсіпкерлердің көбі жеңілдетілген несиеге қол жеткізе алмайды, ал коммерциялық қарыздар тым қымбат.
Ұлттық банк басшысы бұл ретте инфляция мен базалық мөлшерлеме арасындағы айырмашылық бар болғаны 4,5% екенін атап өтті. Яғни бизнес дәл осындай «бағаны» даму үшін төлеп отыр.
Қауіпті кезең
Сонымен қатар ол неге Ұлттық банк әлі де болса қатаңдау ақша-несие саясатын ұстанып отырғанын түсіндірді.
- Біз қазір экономикамыздың өз әлеуетінен жоғары тұрғанын көріп отырмыз. Яғни тауар өндірісі ақша массасының өсуіне ілесе алмай жатыр. Бұл – экономиканың дамуындағы өте қауіпті кезең. Ол бізді инфляциялық шиыршыққа итермелеуі мүмкін, – деді Сүлейменов.
Контекст
Айта кетейік, Ұлттық банк базалық мөлшерлемені 16,5% деңгейінде сақтап қалды.