Атырау облысында далада ұшқышсыз ұшу аппаратына тиесілі болуы мүмкін бөлшектер табылды, деп хабарлайды Ulysmedia.kz.
МӘН-ЖАЙ
Жергілікті тұрғындардың айтуынша, нысан құлап, өртенген. Ол ауыл-қала аумағынан алыс жерде табылған. Полиция департаменті бұл дерек бойынша тексеру жүргізіліп жатқанын мәлімдеді.
– Атырау облысының полиция департаменті уәкілетті қызметтермен бірлесіп, ұшқышсыз ұшу аппаратының бөлшектеріне ұқсас заттардың табылуына байланысты тексеру жұмыстарын жүргізіп жатыр. Нысан тұрғындар мекендейтін аумақтан тыс аймақта анықталды. Оқиғаның барлық мән-жайы анықталып жатыр, – деп хабарлады ведомство.
Оқиғаға қатысты қосымша мәліметтер нақтыланып жатыр.
КОНТЕКСТ
Айта кетейік, 26 наурыз күні Батыс Қазақстан облысында да дрон бөлшектеріне ұқсас заттар табылған еді.