Таяу Шығыстағы қақтығыстың жалғасуына байланысты Air Astana Алматы мен Астанадан аймақтағы үш елге жоспарланған рейстердің тоқтатылуын тағы екі айға ұзартуға мәжбүр, деп хабарлайды Ulysmedia.kz.
БИЛЕТ АҚШАСЫ ҚАЙТАРЫЛА МА?
Air Astana баспасөз қызметінің мәліметінше, жолаушылар ұшақтары Сауд Арабиясына, БАӘ-ге және Катарға 31 шілдеге дейін рейстерді орындамайды.
Әуекомпания тоқтатылған рейстер бойынша жолаушыларға келесі мүмкіндіктерді ұсынады:
ӨЗГЕРІСТЕР БОЛСА, ҚОСЫМША ХАБАРЛАНАДЫ
Әуекомпания Таяу Шығыстағы жағдайды бақылап отырғанын және кез келген өзгерістер туралы хабарлайтынын мәлімдеді.
Бұл наурыз айынан бері Қазақстаннан Таяу Шығысқа рейстердің тоқтатылуын төртінші рет ұзарту. Бұған дейін Алматы мен Астанадан рейстер 3 наурызға дейін, содан кейін 30 сәуірге дейін және үшінші рет 31 мамырға дейін тоқтатылған еді.
Бұған дейін АҚШ пен Иран 60 күндік өзара түсіністік туралы меморандум жобасы бойынша келісімге келді. Құжат күшіне енсе, тараптар арасындағы атысты тоқтату режимі сақталып, Иранның ядролық бағдарламасына қатысты келіссөздерді бастауға жол ашылатынын жазған едік.