Президент Қасым-Жомарт Тоқаев 12-16 қыркүйек аралығында Үндістан мен Оңтүстік Кореяға барады. Нью-Делиде ол БРИКС саммитінде сөз сөйлеп, Сеулде келіссөздер жүргізеді және «Орталық Азия – Корея Республикасы» алғашқы саммитіне қатысады, деп хабарлайды Ulysmedia.kz.
Үндістан: БРИКС саммиті 12-13 қыркүйекте
Қасым-Жомарт Тоқаев Үндістан премьер-министрі Нарендра Модидің шақыруымен XVIII БРИКС саммитіне қатысады. Президент «БРИКС+» форматындағы пленарлық отырыста сөз сөйлейді. Жиын тұрақтылық, инновациялар және орнықтылық мәселелеріне арналады.
Сонымен қатар Тоқаев Нарендра Модимен келіссөздер өткізіп, басқа да мемлекет басшыларымен кездеседі.
Оңтүстік Корея: мемлекеттік сапар 14-16 қыркүйекте
Қасым-Жомарт Тоқаев Оңтүстік Корея президенті Ли Чжэ Менның шақыруымен Сеулге мемлекеттік сапармен барады.
15 қыркүйекте екі ел көшбасшысы Қазақстан мен Корея арасындағы стратегиялық әріптестікті нығайту мәселелерін талқылайды. Сондай-ақ Тоқаев Кореяның жетекші компанияларының басшыларымен кездеседі.
16 қыркүйекте «Орталық Азия – Корея Республикасы» алғашқы саммиті өтеді.
Контекст
Бұған дейін 2023 жылғы БРИКС саммитінде Тоқаев Қазақстанның ұйымға қатысушы мемлекет ретінде оның дамуына үлес қосуға ниетті екенін айтқан болатын.
Содан бері БРИКС кеңейді. 2024 жылы ұйым құрамына Мысыр, Эфиопия, Иран, Біріккен Араб Әмірліктері және Сауд Арабиясы қосылды.