Белгілі қазақстандық саясат және қоғам қайраткерімен қоштасу рәсімі Абай атындағы Қазақ ұлттық опера және балет театрында өтті, деп хабарлайды Ulysmedia.kz.
Бердібек Сапарбаевпен қоштасуға оның отбасы, туған-туыстары мен жақындарынан бөлек Премьер-Министр Әлихан Смайылов, Премьер-Министрдің бұрынғы орынбасары Алтай Көлгінов, Алматы қаласының әкімі Ерболат Досаев, еліміздің өзге де саясаткерлері мен қоғам қайраткерлері, сондай-ақ, Алматының тұрғындары келді.
10 маусымда 71 жасқа қараған шағында еліміздің бес облысының бұрынғы әкімі, Еңбек және халықты әлеуметтік қорғау министрі, вице-премьер қызметін атқарған Бердібек Сапарбаев қайтыс болды. Марқұмның отбасына көңіл айту жеделхатын Президент Тоқаев жолдаса, Қазақстанның экс-президенті Нұрсұлтан Назарбаев та көңіл айтты.