Қазақстанда жасөспірімдер арасындағы жүктілік көбейген сайын, білім беру жүйесі мен жергілікті биліктің жауапкершілігі туралы сұрақтар өткір қойыла бастады. Соңғы бір аптада елді дүр сілкіндірген екі жағдай тіркелді: Ақтөбе облысында 9-сынып оқушысы сабақ үстінде босанды, ал Түркістан облысында 15 жастағы қыз 71 жастағы ер адамнан жүкті болып, сәбиін дүниеге әкелді. Екі дерек бойынша бүгінде тергеу жүріп жатыр. Аталған сұмдық жайттарға байланысты оқу-ағарту министрлігі мектептерде гинеколог мамандарын енгізуді қарастырып жатыр, деп хабарлайды Ulysmedia.kz.