Гүлмира Сатыбалды сотта соңғы сөзін айтты. Ол айыптаулармен келіспейтінін атап өтіп, судьядан өзін ақтауды сұрады, деп хабарлайды Ulysmedia.kz.
Сотталушының сөзінше, оның ісі – саяси астары бар жасанды түрде құрылған резонанстық саяси іс.
"Елдегі сыни ойлауы бар кез-келген адам менің ісім біздің мемлекетімізде болған саяси өзгерістерден туындағанын түсінеді. Мені тұңғыш президенттің отбасымен байланыстырады, мен оның туған жиені Қайрат Сатыбалдының әйелі дейді. Алайда мен Қайраттан 20 жыл бұрын ажырасып кеттім және саяси ықпалым жоқ", - деді Гүлмира Сатыбалды сотта сөйлеген сөзінде.
Ол елдің мүдделеріне "шынымен" қол сұғатын адамдарды жауап беруге шақырды.
"Мен бұрынғы саяси режиммен соғыста билік құралы болмауым керек, өйткені 20 жылдан бері бұрынғы президенттің отбасы мүшесі емеспін. Біздің саяси режиміміз бұл күресте қорғансыз әйелді емес, мемлекет мүддесіне қол сұғатын адамдарды таңдауы керек еді", - деді ол.
"Прокурор ұстанымға беріктік танытып, сотта мен әсер еткен саяси қайраткерлерден жауап алсын. Олардың барлығы қазір қайда? Әлі күнге дейін билікте отырып, заңсыз сот актілерін шығарып жатыр ма?",- деді Сатыбалды.
Сондай-ақ, Назарбаевтың бұрынғы келіні судьядан іс бойынша жәбірленуші кәсіпкерлер Тұрсын Алагөзов пен Айгүл Мекешова сыбайлас жемқорлыққа қарсы қызметке бір күнде арыз жазғанына назар аударуды сұрады.
"Менің ойымша, сотта жәбірленушілер Алагөзов пен Мекешова неге Қайрат Сатыбалды ұсталғаннан кейін бірден үш күн өткен соң бір күнде сыбайлас жемқорлыққа қарсы қызметке арыз жазды деген сұрақ туындауы керек. Шамасы, бұл біреуге қажет болды, біреу бұл жағдайды пайдаланды. Өйткені мен Қайратты кінәсін мойындап, активтерді мемлекетке қайтаруға мәжбүрлеу үшін әсер ету шарасы ретінде қарастырылдым", - деді ол өзінің соңғы сөзінде.
Гүлмира Сатыбалды сондай-ақ медиативтік келісім жасасуға келіскен және сотта талап қоюдан бас тартқан жәбірленуші Мекешоваға алғысын білдірді. Ол Алагөзов тарапынан тағылған барлық айыптарды жоққа шығарды. Сатыбалды кәсіпкерді компанияны нашар басқарды, саяхаттауға және демалуға ақша жұмсады деп айыптады.
Еске салайық, 14 наурызда Астанада Байқоңыр ауданының N2 сотында экс-президент Нұрсұлтан Назарбаевтың бұрынғы келіні Гүлмира Сатыбалды ісі бойынша негізгі сот талқылауы басталды.
Гүлмира Сатыбалды адам ұрлады және озбырлық жасады деп айыпталып отыр. Екі кәсіпкер бизнестері рейдерлік жолмен басып алынғанын айтты. Сотталушылар қатарында Гүлмира Сатыбалдыдан бөлек, оның жүргізушісі мен көмекшісі бар. Жәбірленушілер – белгілі кәсіпкер Тұрсен Алагөзов және Maxi Bottlers ЖШС бұрынғы иесі Айгүл Мекешева.
Бұдан бұрын хабарлағанымыздай, Гүлмира Сатыбалды ісі бойынша алдын ала тыңдауда қорғаушы тарап бұлтартпау шарасын үй қамағына немесе кепілге өзгерту туралы өтініш білдірген болатын. Судья Имашев өтінішті қанағаттандырудан бас тартып, бұлтартпау шарасын өзгеріссіз қалдырды.
Сондай-ақ, прокурор Әлмира Қожахметова Гүлмира Сатыбалды тергеу барысында елден кетіп қалуға тырысқанын айтқан.
Айта кетсек, бұдан бұрын Maxi Bottlers ЖШС бұрынғы иесі Айгүл Мекешова өтемақы ретінде 760 млн теңгеден астам ақша сұрады. Ол Гүлмира Сатыбалдының бұйрығымен қалай ұрланғанын егжей-тегжейлі айтып берген болатын.
Алайда Мекешова кейіннен талап арызынан бас тартты.
Ал кәсіпкер Алагөзов Гүлмира Сатыбалдыдан 6 миллиард 985 миллион теңге шығын және 5 миллиард теңге мөлшерінде моральдық шығын өндіріп алуға ниетті.
Гүлмира Сатыбалды – Қазақстанның тұңғыш президенті Нұрсұлтан Назарбаевтың немере інісі Қайрат Сатыбалдының бұрынғы әйелі.
Өткен жылы сот үкімімен Қайрат Сатыбалды 6 жылға бас бостандығынан айырылды.