Орташа жеңіл автокөлік бағасы Ресейде 3,43 миллион рубльге дейін өсті. Сарапшылар бұл өсімді алдағы ҚҚС арттыруымен және утилизациялық алым ережелерінің өзгеруімен байланыстырады, деп хабарлайды Ulysmedia.kz.
ТОЛЫҒЫРАҚ
2025 жылғы қазан қорытындысы бойынша Ресейде жаңа жеңіл автокөліктің орташа бағасы 3,43 миллион рубльге жетті — бұл нарықты бақылау тарихындағы ең жоғары көрсеткіш, деп хабарлады 13 қараша, бейсенбі күні «Автостат» аналитикалық агенттігі өз сайтында.
Мақала авторлары Ресейде жаңа жеңіл автокөліктің «орташа салмақталған бағасы» 15 ай бойы 3 миллион рубльден асып тұрғанын атап өтті. Бұл көрсеткіш дистрибьютор ұсынған орташа бағалар мен әр модельдің сатылым көлеміне, сондай-ақ модификацияларына қарай есептеледі.
Бақылаушылар бұл үрдісті Ресейде автокөлік бағасының өсуі күтіліп отырғандықтан, сұраныстың артуымен байланыстырады. Бұл өсім утилизациялық алым мен ҚҚС мөлшерінің алдағы уақытта ұлғаюымен түсіндіріледі.
БАСҚА ДА СЕБЕПТЕРІ БАР
Ал «Коммерсант» газеті «Авилон» компаниясының бөлшек сауда директоры Илья Петровтың пікірін келтіреді. Ол Ресейде автокөліктің орташа бағасының өсуін нарықтағы қымбат модельдердің үлесінің артуымен байланыстырады — «параллель импорт арқылы жеткізілетіндер де, қытай брендтерінің модельдері де».
ҚОЛДАНЫСТА БОЛҒАН АВТОКӨЛІКТЕР
«Автостат» агенттігінің алдын ала бағалауы бойынша, қазан айында қолданыста болған автокөліктердің орташа салмақталған бағасы да рекордтық деңгейге — 1,23 миллион рубльге жетті. Бұл сан модель мен шығарылған жылға қарай нарық көлемі негізінде есептеледі, бірақ модификациялар ескерілмейді.
«Рольф» компаниясының жаңа автокөліктерді сату бөлімінің директоры Николай Ивановтың пікірінше, «жыл соңына дейін автокөлік бағасы тағы өседі». «Алайда бұл өсім күрт емес, шамамен 3-4% көлемінде болады», — деп болжады Иванов «Коммерсант» газетіне берген сұхбатында.