2023 жылдың желтоқсан айында Шымкент қаласында ауыр жол-көлік оқиғасы болды. Тежегіші істен шыққан Toyota Camry көлігінің жүргізушісі қыз баланы қағып кеткен. Зардап шеккен Мадина Өтегенованың қазіргі жасы 11-де. Апаттан кейін ол сол аяғынан айырылып, шамамен екі жыл бойы мүгедектікпен өмір сүріп келеді. Қыздың анасы Жанар Түгелбаева бұл іске қатысты кінәлі деп танылған Нұрсұлтан Әшімнің қылмыстық жауапкершіліктен босатылғанын және баланың ем-домына шығынды өтемей отырғанын айтады, деп хабарлайды Ulysmedia.kz.