АҚШ билігінің ауысуынан кейін Пентагонның жаңа басшысы Пит Хегсет алғаш рет Еуропаға келді. Ол Украинаға көмек көрсету жөніндегі топтың отырысын өткізіп, бірқатар қатаң мәлімдемелер жасады. Оның айтуынша, Украина дипломатиялық жолмен НАТО-ға кіре алмайды, елдің 2014 жылғы шекарасына қайтуы да шындыққа жанаспайды. Сонымен қатар, АҚШ өз назарын еуропалық қауіпсіздіктен басқа өңірлерге аударуды жоспарлап отыр, деп хабарлайды Ulysmedia.kz BBC қызметіне сілтеме жасап.