Белгілі қазақстандық талдаушы, Президент әкімшілігінің бұрынғы қызметкері Олжас Жораев бірден "Жаңа Қазақстанға" жеткізетін үш қарапайым қадамды атады, деп хабарлайды Ulysmedia.kz.
Жораевтың пікірінше, бірінші кезекте ОСК сайтында қазақстандықтардың 1995 жылдан бергі барлық сайлаудағы дауыс беру нәтижелерін жариялау қажет.
Екінші қадам – сайлау учаскелерінен барлық хаттамаларды жариялау (кем дегенде соңғы үш сайлаудың қорытындысы бойынша).
"Ең дұрысы, бұл деректерді цифрландыруға және желіде жариялауға болады. Бірақ азаматтар үшін ОСК мұрағаттарын қолжетімді етуге болады, онда олар кез келген сайлау учаскесі бойынша хаттамаларды ашып, деректерді қайта тексере алады. Бұл екі шара оппозиция көтерген билік пен сайлаудың заңсыздығы туралы мәселелерді шешер еді", - деп жазды Жораев желіде.
Үшінші қадам – депутаттыққа кандидаттардың декларация берудегі формальдылығын жою.
Жораев өз активтері мен кірістерін декларациялауда он жылдық тәжірибесі бар мемлекеттік қызметшілердің өзі құжатты толтыру кезінде қателіктер жіберетінін атап өтті. Ол мұны үнемі өзгеріп отыратын декларация формаларымен, егжей-тегжейлі емес бланкілермен байланыстырады.
"Кандидаттар мен лауазымды тұлғалардың кірістерін декларациялау – бұл дұрыс құрал. Бірақ ол формальдылыққа немесе тиімсіз кандидаттарды жою әдісіне айналмауы керек. Егер біз осындай қарапайым өзгерістерге дайын болмасақ, Қаңтар оқиғасының қайталануы ғажап емес " - дейді талдаушы.
Естеріңізге сала кетейік, өткен жексенбіде Қазақстанда Мәжіліс және мәслихаттар сайлауы өтті. Депутаттық креслолар 6 партия мен бір мандатты 29 кандидатқа бұйырды.