Бүгін Астанада такси жүргізушісі өзіне қол салуға әрекеттенген қызды құтқарып қалды. Бұл туралы Nurdaulet Es-agasi деген фейсбук қолданушысы жазды. Сөзінше, қызды құтқарған танысы, Моңғолиядан елге оралған қандас. Танысының оқиғасын мөлдіретіп жазғаны желі қолданушыларының жүрегіне жылы тиіп, бойжеткенді ажалдан арашалап қалған азаматқа "бәрекелді" десіп жатыр жұрт. Өнегелі іс көпке таралсын деген оймен оқырманға жазбаны толық нұсқада ұсынуды жөн көрдік.