Таяуда Қызылордада сот жыныстық құлдықта болған оқушы қыздың ісі бойынша айыпталушының біріне үкім шығарды. 22 жастағы сотталушы 4 жарым жылға сотталып кетті.
Мектеп оқушыларының 16 жастағы өз сыныптасын жезөкшелікке мәжбүрлегені жайлы сұмдық оқиға бүкіл Қазақстанды дүр сілкіндірген еді. Ulysmedia.kz порталы алғашқы сот отырысы жабық өтсе де, басқа БАҚ-пен қатар сол оқиғаны жіті қадағалап отыр. Біз бұл жолы зардап шеккен мектеп оқушысының анасымен сөйлесіп, қызының әлі де психологиялық оңалтудан өтіп жатқанын білдік.