Берденов 21 сәуір күні кешке жараланған еді. Ертеңінде, таңертең оның өміріне ешқандай қауіп жоқ екені белгілі болды. Осыдан кейін шабуылдың себебін анықтауға тырыстық. Алайда бірнеше күн өтсе де Ернар Жиембайдың не үшін әкімдікке мылтықпен келіп, елдің көзінше өз басшысы саналатын адамға бірнеше рет оқ атқаны түсініксіз күйінде қалды.
Желі қолданушылары бұл оқиғаға деген қызығушылық бәсеңдегеніне қарамастан, алғашқы болжамдарды – қызғаныш, жұмысқа байланысты жанжал немесе тұрмыстық кикілжің деген нұсқаларды әлі де талқылап жатыр. Көпшілігі оқиға орнында полицейлерге Жиембайдың: «Ол менің әйеліме тиісті» деген сөзін айтып, не себеп болғанын түсінуге тырысуда.