"ДАТ" газеті бір мүшесі саналатын «ICIJ» Журналистердің халықаралық тексеру консорциумының зерттеуі бойынша, Қазақстанның мұнайы мен мұнай өнімдерін сыртқы нарықта шетелдерде тіркелген әртүрлі компаниялар саудалайды. Конституциялық талап негізінде халықтық меншік саналатын пайдалы қазба өнімдерінің экспортына неге әлдебір түсініксіз субъектілер иелік етуі тиіс? Мұндай сауалды мәжілістегі үкіметтік сағатта депутат Ермұрат Бапи көтерді, деп хабарлайды Ulysmedia.kz.