Жаңа орман қалай өсіп шығады? Осы сұрақтың жауабын іздеген Ulysmedia түсірілім тобы 2023 жылғы алапат өрттен кейін күлге айналған «Семей орманына» барды. Сол қасіретті күндері тілсіз жау 14 орманшының өмірін жалмап, мыңдаған гектар қарағайлы алқапты жойған еді. Бүгінде сол жерде жаңа орман өсіріліп жатыр. Тәлімбақтағы жұмыстарды бізге Halyk қоғамдық қорының жетекшісі Сағынбек Шүнкеев таныстырды.