Ұлыстың құрметті оқырманы! Осыдан екі жыл бұрын Мәжіліске депутат болып сайланған кәсіпкер Руслан Берденов депутаттық мандатын тапсырып, Шымкент қаласы әкімінің орынбасары қызметіне ауысты. “Республика” партиясының тең төрағасы мемлекеттік қызметке не үшін ауысты, Шымкентке қандай жоспармен бара жатыр, саяси амбициясы қандай? Мемлекеттік қызметке ауысар тұста “Ұлысмедиа” оқырмандарына арнайы сұқбат берген еді.
Руслан мырза, қош келдіңіз! “Республика” партиясы құрылғалы бері Ulysmedia.kz сайтында сыни бірнеше мақала жарияланды. Өзіңіз де біздің журналистеріміздің талай сынына ұшырадыңыз. Бүгін ашық сұқбат беруге келісіп отырсыз. Меніңше, үлкен саясатқа келген әр адам сын пікірге ренжімеуі керек, уақытылы жауап беруі тиіс. Ашық дискуссияда адам тұлға ретінде өседі. Жалпы сіз осындай көзқараспен келісесіз бе?