"Ауыл адам тіршілік ететін мекеннің ең соры, себебі онда кедей-кепшік, жолы болмағандар ғана тұрады деген пенденің аузы қалайша әлі күнге дейін қисайып кетпей жүр? Алтын бесік ауылымызды жамандап жатса, намысымызға тиеді, алайда оқу бітіріп, бойда жалын атып тұрған кезде ауылға еңбек етуге барасың ба десе, мұрнымызды тыржитатынымыз өтірік емес қой. Оның үстіне ресми деректер бойынша да ауыл тұрғындарының табысы қалалықтарға қарағанда екі есе төмен екен. Қазақстанда 6 280 ауыл бар, онда жеті миллионнан астам адам тұрады. Көпшілігінің басы ауырып, балтыры сыздай қалса шауып баратын медпункті түгілі, дәрігері жоқ, ес біліп қалған баласын оқытатын мектеп түгілі мұғалімі жоқ. Сондықтан ауылдан қалаға көшушілер көбейген. Бәрі бірдей сыпырылып көшіп, ауыл қаңырап қалмау үшін ауылға шұғыл түрде көмектесу керек. Білім алуға да мүмкіндігі жоқ, бірақ олар қалаға қоныс аударып үлгермей тұрып, оларға шұғыл түрде көмектесу керек", – дейді Ауылдық аумақтарды тұрақты дамыту қоры Өңірлік даму бағдарламасының жетекшісі Фатима Герфанова.