Алматыда өткен «Қайрат» – «Реал» матчы тарихта алғаш рет ұйымдастырылғанымен, оның сапасына қатысты дау-дамай басылмай тұр. Бір жағынан, депутаттар жанкүйерлердің қыспақта қалып, балалардың өміріне қауіп төнгенін айтып дабыл қақса, екінші жағынан, Ішкі істер министрлігі «ешқандай құқықбұзушылық болмады, бәрі тыныш өтті» деп есеп берді. Осылайша, тарихи кездесу футбол мерекесінен гөрі ұйымдастырудағы олқылықтар мен қарама-қайшы мәлімдемелермен есте қалды.