Қазақстанда денсаулық сақтау жүйесінің тәуелсіздік жылдарынан бері кенжелеп қалу мәселесі өзектілігін жоғалтқан емес. Министрлердің жиі ауысуы да, реформалардың көптігі де жағдайды түзеуге септігін тигізген жоқ. Бұл жағдайдың айқын мысалы ретінде Алматы қаласының тұрғыны Бауыржан Құндақбаевтың басынан өткен оқиғаны айтуға болады. Ол «Хирургия институты» ЖШС қызметкерлерінің жауапсыздығынан қатты зардап шеккен. Бұл туралы Ulysmedia.kz тілшісіне жәбірленушінің өзі айтып берген.