Қазақстан Президенті Тоқаевтың Анкараға жасаған ресми сапарының қорытындысы бойынша Қазақстан мен Түркия ынтымақтастықтың түрлі салаларын қамтитын 18 бірлескен құжатқа қол қойды. Тараптар логистика, фармацевтика, әскери өнеркәсіп, IT және ауыл шаруашылығын бірлесіп дамытуға уағдаласты. Ulysmedia.kz бұл сапар басталмай тұрып айтылған түрлі сарапшылар пікірін және бұқаралық ақпарат құралдарындағы жарияланымдарды саралады. Бұл ретте тек қазақстандық емес, өзге елдердің де БАҚ-тары қарастырылды. Мәселен, кейбір ресейлік медиалар бұрыннан қалыптасқан әдет бойынша Астана мұнай жеткізуді Ресейді айналып өтіп жүзеге асырмақ ниетте дегенді жазуда. Алайда саясаттанушы Замир Қаражанов мұндай пайымдардың негізсіз екенін айтты.