Бақытқа жетудің төте жолын білесіз бе? Әрине, мұндай жол бар, бірақ ол тіптен тегін емес. Ақшаңыз болса, болды. Бәрін ұйымдастыруға болады. Сюцай дегенді бұрын естімеген болсаңыз, танысып қойыңыз, бақытқа апаратын жол Сюцай деп аталады. Бізде қалай, біреу «мен осыған кіріп, бақытқа бөлендім» десе, бәрі соның әрекетін қайталайды емес пе? Сюцай маңайындағы пиар да осындай әдіспен жасалып жатыр.
Ulysmedia.kz порталы «сюцай» деп аталатын ілімнің негізін қалаушы Жанат Қожамжаровтың халыққа айтып, насихаттап жүргені қандай ілім, оны танымал саясаткермен не байланыстыратынын зерттеп көрді. Тегі бірдей жандардың арасында қандай байланыс болуы мүмкін?